فیض احمد فیض چشمِ نم، جانِ شوریدہ کافی نہیں تہمتِ عشق پوشیدہ کافی نہیں آج بازار میں پابجولاں چلو دست اَفشاں چلو، مست و رقصاں چلو... خاک برسر چلو، خوں بداماں چلو راہ تَکتا ہے سب شہرِ جاناں چلو حاکمِ شہر بھی، مجمعِ عام بھی تیرِ الزام بھی، سنگِ دشنام بھی صبحِ ناشاد بھی، روزِ ناکام بھی ان کا دم ساز اپنے سوا کون ہے؟ شہرِ جاناں میں اب باصفا کون ہے؟ دستِ قاتل کے شایاں رہا کون ہے؟ رختِ دل باندھ لو دل فگارو چلو پھر ہمیں قتل ہوں آئو یارو چلو
/image%2F0869550%2F20191019%2Fob_62e7b3_pakistan-economy.jpg)